Aprelin 15-də İspaniya hökuməti təxminən yarım milyon immiqrantı leqallaşdıran kral fərmanını təsdiqləyəcək.
SİA xarici KİV-ə istinadən xəbər verir ki, Baş nazir Pedro Sançes bunu çərşənbə axşamı, 14 apreldə X sosial media platformasında açıqlayıb .O, bunun cəmiyyətin bir hissəsinə çevrilmiş təxminən yarım milyon insan üçün "reallığın normallaşdırılması və tanınması" istiqamətində zəruri bir addım olduğunu söylədi.
“Bu, ədalət aktıdır və zərurətdir. Biz hüquqları tanıyırıq, eyni zamanda məsuliyyətlər də tələb edirik. Beləliklə, artıq gündəlik həyatımızın bir hissəsi olanlar bərabər şərtlərlə bu prosesə cəlb olunsunlar... Miqrasiya bir reallıqdır və biz buna məsuliyyətlə cavab verməli, ədalətli inteqrasiyanı təmin etməli və bunu ortaq rifahımıza çevirməliyik”, - deyə Sançes bildirib.
Bu, İspaniyanın ölkədə heç bir rəsmi statusu olmadan yaşayan və işləyən immiqrantların vəziyyətini həll etmək üçün 21 ildə atdığı ilk belə addımdır. Müxtəlif hesablamalara görə, bu qərar 500.000 ilə 840.000 arasında insanın leqallaşdırılmasına kömək edə bilər.
Xatırladaq ki, miqrasiya ruslar üçün əsas narahatlıq doğurur. Müxtəlif hesablamalara görə, Rusiyadakı miqrantların sayı 20 milyona çata bilər .