...Rəqəmsal suverenliyi təmin etmək üçün genişmiqyaslı hökumət planının bir hissəsi olaraq, Fransa hökumət qurumları Windows-dan Linux-a keçəcək.
SİA-nın əldə etdiyi məlumata görə, bu barədə “Les Numeriques” hökumət rəsmilərinə istinadən xəbər verir.
Hökumət qurumlarına həmçinin Google Meet videokonfrans xidmətini Fransa ekvivalenti ilə əvəz etmək tövsiyə olunur.
“Rəqəmsal transformasiya” əsasən Nazirliklərarası Rəqəmsal İşlər İdarəsi (DINUM), Müəssisələrin Baş İdarəsi (İqtisadiyyat Nazirliyinin innovasiya və rəqabətdən məsul olan şöbəsi DGE), Milli Kibertəhlükəsizlik Agentliyi (ANSSI) və Dövlət Satınalmaları İdarəsi (DAE) tərəfindən həyata keçiriləcək.
Payıza qədər qalan bütün nazirliklərdən Amerika proqram təminatını tədricən ləğv etmək planlarını təqdim etmələri tələb olunacaq.
Rəqəmsal suverenlik məsələsi ilin əvvəlindən bəri Fransada fəal şəkildə müzakirə olunur.
Hökumət ABŞ-ın Avropadakı bəzi texnologiyalarına çıxışı məhdudlaşdıra biləcəyi ilə bağlı narahatlıqlar səbəbindən “Avropadan kənar ölkələrdən rəqəmsal asılılığı azaltmaq planlarını sürətləndirdiyini” elan edib.
Əli Babayev