...Özünü xristian adlandıran administrasiyasının hər bir üzvü diz çöküb Tanrıdan bağışlanma diləməli, prezidentə ibadət etməyi və Trampın dəliliklərində iştirak etməyi dayandırmalıdır. Mən hamınızı və onu tanıyıram, o dəlidir və hamınız ortaqsınız!
SİA-nın əldə etdiyi məlumata görə, bunu Amerikalı ifrat sağçı siyasətçi, sahibkar və Corciya ştatının 14-cü Konqres Dairəsindən ABŞ Nümayəndələr Palatasının üzvü.Marjore Taylor Qrin Tramp haqqında deyib.
Daha sonra o, Trampın İranın infrastrukturunu məhv etmək niyyəti ilə bağlı başqa bir açıqlama verib: “25-ci Düzəliş!!! Amerikaya bir dənə də olsun bomba atılmayıb. Biz bütün bir sivilizasiyanı məhv edə bilmərik.”
...Amerikalı mühafizəkar siyasi şərhçi və jurnalist Taker Karlson Trampın İrana qarşı təhdidlərini “hər cəhətdən iyrənc” adlandırıb.
O, açıq şəkildə siyasətçi və hərbçiləri mülki hədəflərə kütləvi hücumlar nəzərdə tutulduğu təqdirdə prezidentin göstərişlərinə əməl etməməyə çağırıb.
...Ona qulaq asmayın! Günahsız insanları öldürə bilməzsiniz... Bu, müharibə cinayətidir... amma daha da əhəmiyyətlisi, bu, mənəvi cinayətdir..
Bunu yazan Taker Karlson daha sonra podkastındakı monoloqda Trampın özünə müraciət edib: “...Pasxa səhəri bütün ölkə ilə necə belə danışmağa cəsarət edirsiniz? Özünüzü kim hesab edirsiniz? Pasxa səhəri "F" sözünü tvit edirsiniz!”
...Bir il yarım əvvəl kim təsəvvür edə bilərdi ki, Trampın ən fanatik tərəfdarları, onun və MAGA-nın lehinə bu qədər şiddətli kampaniya aparsalar, bir gün onu açıq şəkildə dəli adlandıracaq və səriştəsizliyinə görə hakimiyyətdən uzaqlaşdırılmasını tələb edəcəklər?
Əli Babayev