...1-ci Qərb Dairə Hərbi Məhkəməsi Voloqda vilayətinin sakini, 58 yaşlı Andrey İvanovu Rusiya prezidenti Vladimir Putin haqqında mənfi şərh yazdığına görə ümumi rejimli cəza koloniyasında iki il müddətinə azadlıqdan məhrum edib. SİA-nın əldə etdiyi məlumata görə, Mediazona xəbər verir ki, əlil təqaüdçüsü "terrorizmə çağırışlar"da (Cinayət Məcəlləsinin 205.2-ci maddəsinin 2-ci hissəsi) təqsirli bilinib.
...Müstəntiqlərin sözlərinə görə, İvanov 15 mart 2021-ci ildə ictimai qrupda Putin haqqında paylaşımda aşağıdakıları yazıb: “...o, əlindən gələni amerikalılara satdı və əlindən gəlməyənləri bağladı. O, dırnaq içində ən ağıllı siyasətçidir.”
...Buna və ixtisar etdiyimiz başqa fikirlərinə görə, İvanov 2025-ci ilin dekabrında evində saxlanılıb, bundan sonra o, "etiraf" yazıb.
Qeyd edək ki, təqsirləndirilən şəxs şərhi "emosiyadan" - ölkədəki iqtisadi vəziyyətə görə yazdığını və prezidentin hakimiyyətdən uzaqlaşdırılmalı olduğuna inandığını qeyd edib.
İvanov günahını tam etiraf edib və peşman olduğunu bildirib.
Yeri gəlmişkən, bu, Putinin edam edilməsinə çağırış etdiyinə görə iki ay ərzində həbsxanaya göndərilən ikinci rusiyalıdır. Fevralın 4-də məhkəmə Sankt-Peterburqdan olan onkoloq Yeqor Voşçini Telegram-da yazdığı dörd şərhdən irəli gələn oxşar ittihamlarla 5,5 il həbs cəzasına məhkum edib.
Əli Babayev