...Qlobal əhali 2070-ci illərin sonlarında 12 milyarddan çox insanla zirvəyə çata bilər.
Bu, Flinders Universitetinin (Avstraliya) alimlərinin proqnozuna görədir.
SİA-nın əldə etdiyi məlumata görə, bu barədə Daily Mail yazır.
...Hazırda qlobal əhali 8,3 milyarddır. Mövcud tendensiyalara əsaslanaraq, tədqiqatçılar Yer kürəsindəki insanların sayının 2070-ci illərin sonlarına qədər 12,4 milyarda çata biləcəyini iddia edirlər.
Tədqiqatın müəllifi professor Kori Bredşounun dediyinə görə, “...hesablamalarımız göstərir ki, əgər hər kəs ətraf mühit məhdudiyyətləri daxilində və rahat, iqtisadi cəhətdən təhlükəsiz həyat standartları ilə yaşayarsa, dayanıqlı qlobal əhali 2,5 milyard nəfərə yaxınlaşacaq”.
Tədqiqatçılar iddia edirlər ki, bəşəriyyətin hazırkı yolu cəmiyyətləri daha dərin böhranlara doğru itələyəcək.
Onlar qeyd edirlər ki, əgər qlobal əhali 11,7-12,4 milyard insana çatarsa, bu, planetimizə dağıdıcı təsir göstərə bilər. Tədqiqat əhali artımı ilə artan qlobal temperatur, daha böyük ekoloji iz və daha yüksək karbon emissiyaları arasında “güclü” əlaqə aşkar edib.
Bredşou vurğulayıb ki, “...daha az istehlakla daha az əhali həm insanlar, həm də planet üçün daha yaxşı nəticələr yaradır”.
Əli Babayev