...Böyük Britaniyada valideynlərə rəsmi olaraq beş yaşdan kiçik uşaqların ekran qarşısında keçirdiyi vaxtı gündə bir saatla məhdudlaşdırmaq tövsiyə olunub.
SİA xəbər verir ki, bu barədə Daily Mail yazıb.
Baş nazir Keir Starmer vurğulayıb ki, hökumət ailələrə müasir texnologiya dünyasında fəal şəkildə kömək etmək niyyətindədir və onları gənc nəslin sağlamlığı uğrunda mübarizədə tək qoymayacaq.
Yeni qaydalar ölkə daxilində ixtisaslaşmış onlayn platformalar və ailə mərkəzləri vasitəsilə paylanacaq.
Dərc olunmuş sənədə görə, iki yaşdan kiçik uşaqlar, böyüklərlə interaktiv fəaliyyətlər istisna olmaqla, cihazlardan istifadədən tamamilə kənarlaşdırılmalıdır.
İki yaşdan beş yaşa qədər olanlar üçün limit gündə 60 dəqiqədən çox olmamalıdır.
Mütəxəssislər və müəllimlər narahatedici bir tendensiyanı qeyd ediblər: bir çox uşaq məktəbə əsas dil bacarıqları olmadan başlayır və həddindən artıq planşet istifadə etdikləri üçün hətta kağız kitabın səhifələrini çevirə bilmirlər.
Qaydalar sosial media videolarına baxmağı və süni intellekt elementləri olan oyuncaqların istifadəsini xüsusilə qadağan edir.
Hökumət valideynləri yemək vaxtı və yatmazdan əvvəl hər hansı bir ekrandan istifadə etməkdən tamamilə çəkinməyə çağırır.
Bundan əlavə, böyüklər uşaqları üçün yaxşı nümunə olduqları üçün öz rəqəmsal vərdişlərini izləməyə çağırılır.
Bunu nəzərə alaraq, nəşr bu cür radikal valideynlik tədbirlərinə münasibətlərini müəyyən etmək üçün oxucular arasında sorğu keçirib.
Nazlı Almuradova