...NASA Artemis Ay proqramında əsaslı təmir işləri aparacağını açıqladı. Agentlik Ay orbital stansiyası tikmək planlarından imtina edib və resursları təxminən 20 milyard dollara başa gələn Ay səthində baza tikməyə yönəltmək niyyətindədir.
SİA-nın əldə etdiyi məlumata görə, bu barədə Reuters xəbər verir.
NASA administratoru Cared İsaakman bildirib ki, yeni strategiya insanların Aya qayıtmasını sürətləndirəcək və 2030-cu ilə qədər astronavtları yerə endirməyi planlaşdıran Çini geridə qoyacaq.
Layihə missiyaların genişləndirilməsini, dronların buraxılmasını və Ay səthində nüvə enerjisindən istifadəyə hazırlığı əhatə edir.
NASA həmçinin 2028-ci ilə qədər Marsa nüvə enerjisi ilə işləyən Space Reactor 1 Azadlıq zondunu göndərməyi planlaşdırır. Bu, yeni texnologiyaların nümayiş etdirilməsi və Qırmızı Planetin tədqiqi üçün şərait yaradılması məqsədi daşıyır.
Ay Gateway stansiyasının ləğvi, əvvəllər layihədə iştirak edən Avropa Kosmik Agentliyi, eləcə də Yaponiya, Kanada da daxil olmaqla beynəlxalq tərəfdaşların iştirakını sual altına alır.
Aya eniş edən aparatların hazırlanması proqramın əsas elementi olaraq qalır.
Elon Musk və Jeff Bezos tərəfindən qurulan SpaceX və Blue Origin şirkətləri cədvəldən geri qalırlar. NASA ilk hazır olan modulu seçəcəyini bildirib.
Əli Babayev