...Britaniya Baş naziri Kir Starmer Mühafizəkarlar Partiyasından olan millət vəkilinin müsəlman namazı ilə bağlı mübahisəli açıqlamasından sonra onları müsəlmanlara qarşı qərəzli olmaqda günahlandırıb.
...Qeyd edək ki, SİA-nın məlumatına görə, millət vəkili Nik Timoti ictimai yerlərdə müsəlmanların namazını "hakimiyyət aktı" və "islamçı arsenalından birbaşa taktika" adlandırıb və bu, Britaniya müsəlmanları, eləə də insan haqları fəalları arasında qəzəbə səbəb oldu.
X sosial media saytında paylaşdığı paylaşımda Timoti "müsəlmanlara qarşı olmadığını" israr etsə də, İslam təqvasının əsas hərəkətlərindən birini təhqiramiz şəkildə xarakterizə edib.
...Müsəlmanlar üçün namaz siyasi jest deyil, Yaradanın əmrinin yerinə yetirilməsidir və onu "hakimiyyət" və ya təhdid kimi təsvir etmək cəhdləri İslam dəyərlərinin dərin anlaşılmazlığını və ya qəsdən təhrifini göstərir.
Böyük Britaniyanın ən görkəmli müsəlman siyasətçilərindən biri olan London meri Sadiq Xan Nik Timotinin açıqlamalarını qətiyyətlə qınayıb.
O, onları islamofob adlandırıb və bu cür açıqlamaların böyük bir siyasi partiyanın nümayəndələrindən qəbuledilməz olduğunu vurğulayıb.
...Parlamentdə çıxış edən Kir Starmer Mühafizəkarlar Partiyasının "müsəlmanlarla problemi" olduğunu bildirib.
Baş nazir həmçinin açıq-aşkar ikili standarta da toxunub: onun sözlərinə görə, Mühafizəkarlar ictimai dini tədbirləri yalnız müsəlmanlar tərəfindən təşkil edildikdə pisləyirlər, digər dinlərin oxşar təzahürləri isə belə aqressiv reaksiya doğurmur...
Starmer Timotinin işdən çıxarılmasına çağırıb.
...Bu hadisə Britaniya siyasi hakimiyyəti daxilində bəziləri arasında artan islamofobiyanın daha bir təzahürüdür. Ölkə əhalisinin əhəmiyyətli bir hissəsini təşkil edən Britaniyadakı müsəlman icması bir daha dini ayinlərini yad və düşmən kimi təqdim etmək cəhdləri ilə qarşılaşır.
Hakimiyyətdə olanların bu cür açıqlamaları təkcə dindarların həssaslığını təhqir etməklə yanaşı, cəmiyyətdə dinlərarası gərginliyin artmasına da səbəb olur.
Qalmaqal fonunda bir çox Britaniya müsəlman təşkilatı Mühafizəkarlar Partiyası rəhbərliyini Timotinin açıqlamalarını dəqiq qiymətləndirməyə və bu cür islamofob açıqlamaların cəzasız qalmaması üçün tədbirlər görməyə çağırır.
Xatırladaq ki, 16 mart 2026-cı il axşamı Londondakı Trafalqar Meydanı müqəddəs Ramazan ayında kütləvi iftar və axşam namazının keçirildiyi yerə çevrilib.
Ramazan Çadır Layihəsi xeyriyyə təşkilatı tərəfindən təşkil edilən tədbirdə təxminən iki min müsəlman bir araya gəlib. Meydanda iştirak edən və dindarlarla birlikdə dua edən London meri Sadiq Xan tədbiri “Qərb dünyasının ən böyük iftar mərasimi” adlandırıb.
Əli Babayev