Onun sözlərinə görə, belə bir addımın atılması yalnız hazırkı şəraitdə mümkün olub; əgər bu proses iki il öncə, yəni hazırkı hazırlıqsızlıq və koordinasiyasızlıq dövründə həyata keçirilmiş olsaydı, ciddi problemlər ortaya çıxardı:“Quru sərhədlərinin bağlanması Azərbaycan üçün strateji və zəruri addımdır. Bu qərar regionda mövcud təhlükə risklərinin yüksək olduğu bir məqamda öz təsdiqini tapır”.
Bu sözləri SİA-ya açıqlamasında Millət Vəkili Fazil Mustafa bildirib.
Onun sözlərinə görə, belə bir addımın atılması yalnız hazırkı şəraitdə mümkün olub; əgər bu proses iki il öncə, yəni hazırkı hazırlıqsızlıq və koordinasiyasızlıq dövründə həyata keçirilmiş olsaydı, ciddi problemlər ortaya çıxardı:
”Buna görə də sərhədlərin bağlanması həm ölkənin təhlükəsizliyini qorumaq, həm də əhalinin bu proseslərə uyğunlaşmasını təmin etmək baxımından vacibdir. Azərbaycan hər zaman öz təhlükəsizliyini prioritet olaraq ön plana çəkir. Quru sərhədlərinin bağlanması ilə bağlı yaranan məhdudiyyətlər, o cümlədən turizm və sərhədyanı ticarət gəlirləri baxımından müəyyən çətinliklər yarada bilər. Lakin bu baxımdan prioritet məsələmiz təhlükəsizlikdir və hər hansı iqtisadi itkilər təhlükəsizlik məsələsinin önünə keçə bilməz. Dövlət strategiyası göstərir ki, təhlükəsizlik və sabitliyin qorunması hər zaman iqtisadi maraqlardan üstün tutulur.
Eyni zamanda, daxili sabitliyin qorunması da xüsusi diqqət tələb edir. Sərhəd tədbirləri regionda baş verən hər hansı gərginliyin ölkə daxilinə yayılmasının qarşısını almağa xidmət edir. Azərbaycan bunu həm dövlət siyasəti, həm də ictimai maraqlar baxımından diqqətlə planlaşdırır. Məqsəd həm sərhəd təhlükəsizliyini təmin etmək, həm də əhalinin gündəlik həyatına mümkün qədər az təsir göstərməkdir.
Bu kontekstdə sərhəd siyasətinin izahı yalnız hərbi və təhlükəsizlik aspektləri ilə məhdudlaşmır, həm də iqtisadi və sosial baxımdan dəyərləndirilir. Ölkə həm turizm, həm də sərhədyanı ticarət baxımından müəyyən zərərlər yaşaya bilər; lakin bu zərərlər uzunmüddətli perspektivdə Azərbaycanın sabitliyini qorumaq üçün qəbul edilə biləcək risklər kimi qiymətləndirilir.
Azərbaycan quru sərhədlərinin bağlanması qərarını strateji planlama və geniş hazırlıq əsasında həyata keçirir. Bu addımlar regiondakı gərginliklərdən qorunmaq, ölkə ərazisinin və əhalinin təhlükəsizliyini təmin etmək və daxili sabitliyi qorumaq baxımından həyati əhəmiyyət daşıyır. Beləliklə, regionda baş verən hər hansı mənfi hadisələrin ölkəmizə təsir etməməsi üçün bütün tədbirlər diqqətlə koordinasiya edilir”.