...Beynəlxalq Məlumat Korporasiyasının (IDC) hesabatına görə, qlobal smartfon tədarükləri 2026-cı ilin sonuna qədər təxminən 13 faiz azala bilər.
Orta smartfon qiyməti 14 faiz artaraq 523 dollara çatacaq.
Bu artım bazarda yaddaş çiplərinin çatışmazlığı ilə əlaqədar olacaq.
2026-cı ildə qlobal smartfon tədarükləri illik müqayisədə 12,9 faiz azalaraq təxminən 1,1 milyard ədədə düşəcək.
2025-ci ildə tədarüklər 1,26 milyard ədədə çatıb.
SİA-nın məlumatına görə, Beynəlxalq Məlumat Korporasiyasının nümayəndəsi Fransisko Ceronimo bildirib ki, “...Biz müvəqqəti daralma deyil, yaddaş təchizatı zəncirində yaranan sunamiyə bənzər bir şok və istehlakçı elektronikası sənayesində dalğalanma effektlərinin yayılmasını görürük”.
...Counterpoint Research analitikləri də proqnozlarını aşağı istiqamətdə yenidən nəzərdən keçiriblər.
Şirkət qlobal smartfon tədarüklərinin 12 faiz azalacağını gözləyir ki, bu da indiyə qədər ən kəskin azalmadır. Counterpoint şirkətinin tədqiqat direktoru Tarun Pathak izah edib ki, yaddaş istehsalçıları hiperskalerlərə (böyük məlumat mərkəzi operatorları) təchizatı prioritetləşdirir, smartfon istehsalçıları isə "növbədə durmağa" məcburdurlar.
Çətinliyin əsas səbəbi süni intellekt infrastrukturuna investisiyaların sürətli artımıdır.
Texnologiya nəhəngləri yaddaş çipləri almaqla süni intellekt infrastrukturunun yaradılmasını sürətləndirirlər ki, bu da birbaşa qiymətlərin artmasına səbəb olur.
Buna görə də istehsal xərclərinin artması qaçılmaz olaraq pərakəndə satış qiymətlərinin artmasına səbəb olacaq.
Beynəlxalq Məlumat Korporasiyasının proqnozlarına görə, smartfonun orta qiyməti 2026-cı ildə 14 faiz artaraq 523 dollara çatacaq.
Nazlı Almuradova