Rusiyanın əvvəlki kütləvi hücumlarının nəticələrinə görə, bəzi bölgələrdə təcili bağlanmalar tətbiq edilib.
SİA xarici KİV-ə istinadən xəbər verir ki, "Ukrenergo"nun cümə günü, 27 fevralda verdiyi məlumata görə , Ukraynanın altı bölgəsində rusiyalı yaraqlıların hücumları səbəbindən yeni elektrik kəsintiləri qeydə alınıb ."Düşmənin enerji infrastrukturuna zərbələri nəticəsində bu səhər Xarkov, Çerniqov, Sumı, Donetsk, Dnepropetrovsk və Zaporojye vilayətlərindəki istehlakçılar elektrik enerjisiz qalıb. Təhlükəsizlik şəraitinin imkan verdiyi yerlərdə təcili bərpa işləri artıq davam edir", - deyə bəyanatda bildirilir.
Enerji rəsmiləri qeyd ediblər ki, əvvəlki kütləvi Rusiyanın hücumlarının nəticələrinə görə Ukraynanın əksər bölgələri hazırda sənaye enerjisini məhdudlaşdırır və sakinlər üçün saatlıq fasilələr tətbiq olunur. Bəzi bölgələrdə təcili bağlanmalar tətbiq edilib.
Bununla yanaşı, elektrik enerjisi istehlakı mövsümi tendensiyalara uyğundur. Bu səhər, əvvəlki günün, cümə axşamı günü ilə müqayisədə 1,3% aşağı olub.
"Hazırda saatlıq fasilələrin tətbiq olunduğu bölgələrdə enerjiyə qənaət vacib olaraq qalır. Zəhmət olmasa, yüksək güclü elektrik cihazlarının istifadəsini məhdudlaşdırın. Mümkünsə, enerji tələb edən prosesləri gecə saatlarına - saat 23:00-dan sonraya keçirin", - deyə enerji mütəxəssisləri çağırırlar.
Xatırladaq ki, 27 fevral gecəsi Rusiya qüvvələri Ukraynaya müxtəlif tipli 187 hücum dronu ilə hücum edib. Hava hücumundan müdafiə sistemləri onlardan 165-ni məhv edib, lakin 14 nöqtədə zərbələr qeydə alınıb.