Xocalı faciəsinin 34-cü ildönümü ilə əlaqədar Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Mürsəl İbrahimov və xidmətin rəhbər heyəti Bakının Xətai rayonunda ucaldılmış Xocalı soyqırımı abidəsini ziyarət edib.
Dövlət Xidmətindən SİA-ya bildiriblər ki, Xocalı şəhidlərinin xatirəsinə ucaldılmış abidənin önünə gül dəstələri düzülüb və faciə qurbanlarının əziz xatirəsi ehtiramla yad olunub.