...İnsanlar və pişiklər min illərdir qarşılıqlı əlaqədədirlər. İtlərlə yanaşı, pişiklər də təbii ki, ev heyvanları arasındadır.
İtlərin daim insan dəstəyinə ehtiyacı olsa da, pişiklər daha müstəqil heyvanlardır.
Yeni bir araşdırmanın göstərdiyi kimi, onlar həm sahibləri, həm də yad insanlarla rahat ola bilərlər.
SİA-nın məlumatına görə, bununla bağlı tədqiqat “The Independent” jurnalında dərc olunub.
Tədqiqat üçün macar alimləri yeni yerləri araşdırmaqdan zövq almaq üçün öyrədilmiş 15 terapiya pişiyinin, eləcə də 13 adi ev pişiyinin davranışlarını araşdırıblar.
Onlar eyni otağa yerləşdirilib və sahiblərinə, eləcə də yad insanlara qarşı reaksiyaları ölçülüb.
Tədqiqatın nəticələri göstərib ki, terapiya pişikləri həm sahibləri, həm də yad insanlarla eyni dərəcədə mehribandırlar. Bu arada, adi ev pişikləri sahiblərinə və yad insanlara qarşı reaksiyalarında demək olar ki, heç bir fərq göstərməyiblər; yəni, onlar sahibləri və yad insanlar ətrafında demək olar ki, eyni davranıblar.
Bu, pişiklərin sahibləri otaqdan çıxdıqdan sonra belə baş verib.
Alimlər deyirlər ki, bu tədqiqat pişiklərin sahiblərinə bağlılığının olmadığını sübut edir.
Alimlər deyirlər ki, bu o deməkdir ki, pişiklər insanlardan asılı deyillər, çünki bu ev heyvanları bizimlə bərabər şəkildə yaşayırlar.
Tədqiqat müəlliflərinin fikrincə, pişiklərlə insanların birgə yaşaması hər iki tərəfə qarşılıqlı fayda gətirir. Lakin itlər insanlardan asılı vəziyyətə düşüblər, pişiklər isə müstəqil yırtıcı olaraq qalırlar və əslində ətrafda kimin olmasına əhəmiyyət vermirlər, təki həmin şəxs fayda versin. Heyvanların sahiblərindən asılı olub-olmadığını müəyyən etmək üçün elm adamları ev heyvanının həmin şəxsə olan bağlılıq dərəcəsini, sahibinin yoxluğunda göstərilən narahatlıq səviyyəsini və nəhayət, yad adamların qəbul edilməsini ölçürlər.
Bənzər bir araşdırma əvvəllər itlər üzərində aparılmışdı və elm adamları bu ev heyvanlarının sahibləri ilə yüksək dərəcədə asılı, valideyn-uşaq münasibətinə malik olduğunu aşkar etmişdilər.
Lakin pişiklərin belə bir asılı münasibəti yoxdur.
Növbəti dəfə pişiyinizi sığalladığınız zaman, sizsiz yaşaya bilməyəcəyini düşündüyünüz insanların sizin haqqınızda nə düşündüklərini düşünmək istəyə bilərsiniz.
Nazlı Almuradova