Beyrutda dünyanın ən böyük iftar mərasimi uğrunda mübarizə aparan və potensial olaraq Ginnesin rekordlar kitabına düşə biləcək böyük bir iftar təşkil edildi.
SİA-nın məlumatına görə, MK bunu “Ən-Nahar” qəzetinə istinadən yayımlayıb.
Deməli, iftar Livanın Baş naziri Nəvaf Salamın himayəsi altında keçirilib və müxtəlif bölgələrdən, eləcə də sosial qruplardan 5700-dən çox qonağı bir araya gətirib.
Beyrut Kornişindəki Biel Sərgi Mərkəzində keçirilən iftar Livan İcma Assosiasiyası tərəfindən təşkil edilib.
Livanlı və Fələstinli yetimlər, eləcə də məktəblərdən, universitetlərdən və ictimai təşkilatlardan könüllülər zaldakı masaların ətrafında toplaşıblar.
Bu tədbir müqəddəs Ramazan ayını qeyd edən insanlar arasında birlik və həmrəyliyin simvoluna çevrilib.
Ajialna Assosiasiyasının nümayəndəsi Fida Soueid təşkilatının Livan boyunca xeyriyyə təşəbbüsləri həyata keçirdiyini söyləyib.
O qeyd edib ki, bu ilki məqsəd Livan xalqının birliyini nümayiş etdirmək üçün şərqdən qərbə və şimaldan cənuba qədər bütün Livanı bir masa ətrafında birləşdirməkdir.
Bütün müsəlman ölkələrində iftar süfrəsi və ya iftar ənənəvi olaraq tək deyil, ailə, dost və qonaqların əhatəsində qeyd olunur. Kollektiv iftar süfrələri tez-tez məscidlərdə keçirilir. Bu cür tədbirlər sosial əlaqələrin möhkəmlənməsinə və cəmiyyətdə qarşılıqlı dəstəyin inkişafına kömək edir.
Əli Babayev