...Deməli, Tatarıstanın baş şəhəri Kazanda qeyri-adi hüquqi mübahisə yaranıb.
SİA-nın məlumatına görə, burada şəxsiyyət, dini hisslər və rəsmi qanunilik məsələləri kəsişir.
Prokuror İldar İsmagilov Rusiya vətəndaşının İsa Petroviç Məsih adını istifadə etməsini qadağan etmək üçün iddia qaldırıb və iddia edib ki, bu, ictimai əxlaqa birbaşa təhlükə yaradır, dindarların hisslərinə təhqirdir.
Nəzarət orqanının məlumatına görə, belə bir ad ilahi status haqqında yanlış təəssürat yaradır və başqalarını yanıldır. Maraqlıdır ki, rezonans doğuran soyad və adın arxasında mələk bioqrafiyasından uzaq bir adam olan Yevgeni Petroviç Çekulayev dayanır.
O, əvvəllər dəfələrlə silahlı soyğunçuluqda məhkum edilmiş, narkoman kimi qeydiyyatda olmuş və 2025-ci ilin sonlarında 45 miqrantın uydurma qeydiyyatına görə şərti cəza almışdı. O, hərəkətlərini sadəcə izah edib: əlillik pensiyası kifayət deyildi və hər "qeydiyyat" üçün təxminən iki min rubl tələb edirdi. Və cəzaya 13.000 rubl cərimə də əlavə edilib.
...Vəziyyətin paradoksu ondadır ki, qanun ad dəyişdirməyi qadağan etmir və kişi bu hüququ tamamilə qanuni şəkildə həyata keçirib. Lakin prokuror israr edir: öz müqəddəratını təyinetmə azadlığı milyonlarla insan üçün müqəddəs olan şeyin başladığı yerdə bitir.
O, iddia ərizəsində vətəndaşlıq qeydiyyatının ləğv edilməsini və Çekulayevin əvvəlki adının bərpa edilməsini tələb edir.
Əli Babayev