...Şimali Uzaq Bölgədəki Rusiya təhlükəsinə qarşı mübarizə tədbirlərinin bir hissəsi olaraq, Norveçdəki Britaniya qoşunlarının sayı növbəti üç il ərzində ikiqat artacaq.
SİA-nın məlumatına görə, bu barədə BBC xəbər verib.
Britaniyanın müdafiə naziri Con Healey Norveçdə yerləşdirilən qoşunların sayının 1000-dən 2000-ə qədər artacağını açıqlayıb.
Bu qərar NATO müttəfiqləri arasında Rusiyanın Arktikadakı fəaliyyəti, o cümlədən Soyuq Müharibə dövründən qalma köhnə bazaların yenidən açılması və bölgədə gücləndirilmiş hərbi mövcudluqla bağlı artan narahatlıq fonunda qəbul edilib.
Healey bildirib ki, “...Müdafiə tələbləri artır və Rusiya Soyuq Müharibədən bəri Arktika və şimali uzaq bölgə üçün ən ciddi təhlükəsizlik təhdidi yaradır".
Britaniya xarici işlər naziri İvet Kuper tərəfindən təklif edilən "Arktika mühafizəçisi" layihəsi, “Baltik mühafizəsi” və “Şərq mühafizəsi” kimi mövcud NATO ittifaqlarına əsaslanaraq, bölgədə nəzarəti və təhlükəsizliyi gücləndirməyi hədəfləyir. Genişləndirilmiş yerləşdirmənin bir hissəsi olaraq, mart ayında NATO-nun soyuq cavab təlimində 1500 kral dəniz piyadası iştirak edəcək.
...Norveç, Finlandiya və İsveçdə keçiriləcək genişmiqyaslı təlimlər ekstremal Arktika şəraitində müttəfiq qüvvələrin təlimi üçün nəzərdə tutulub.
Əli Babayev