Ukrayna Silahlı Qüvvələrinin Baş Qərargahı Rusiyanın Ukraynaya qarşı müharibədə verdiyi itkilərlə bağlı növbəti məlumatı açıqlayıb.
SİA-nın xarici mətbuata istinadən verdiyi məlumata görə, 24 fevral 2022-ci ildən 11 fevral 2026-cı ilədək Rusiya Federasiyasının ümumi canlı qüvvə itkisi təxminən 1 milyon 249 min 380 nəfər təşkil edib.
Bildirilir ki, son sutka ərzində Ukrayna Müdafiə Qüvvələri 820 rus hərbçisini öldürüb və ya yaralayıb.
Baş Qərargahın gündəlik hesabatına əsasən, müharibə başlayandan indiyədək Rusiyanın ümumi texnika itkiləri təxminən belədir:
tanklar – 11 661 ədəd (+5);
zirehli döyüş maşınları – 24 020 ədəd (+2);
artilleriya sistemləri – 37 148 ədəd (+59);
yaylım atəşli reaktiv sistemlər (RSZS) – 1 638 ədəd (+1);
hava hücumundan müdafiə vasitələri – 1 298 ədəd (+1);
operativ-taktiki səviyyəli pilotsuz uçuş aparatları – 130 711 ədəd (+1551);
avtomobil texnikası və yanacaq daşıyan maşınlar – 77 969 ədəd (+235).
Məlumatda qeyd olunur ki, Ukrayna hərbçiləri Donetsk vilayətinin Zakıtne kəndi istiqamətində donmuş çay üzərindən hərəkət edən bir neçə rus hərbi qrupunu aşkar edərək zərərsizləşdirir.
Bundan əvvəl Ukrayna qüvvələrinin Donbas və Zaporojye istiqamətlərində daha iki yaşayış məntəqəsini Rusiya qüvvələrindən təmizlədiyi bildirilib.