...Amerikalı reper Niki Minaj ABŞ prezidenti Donald Trampa dəstəyini açıq şəkildə təsdiqləyərək, ona yönəlmiş tənqid dalğasının onun mövqeyini daha da gücləndirdiyini bildirdi. Sənətçi ABŞ prezidenti ilə birlikdə Maliyyə Nazirliyinin “Tramp hesabları” adlı yeni əmanət hesablarının istifadəyə verilməsini qeyd edən tədbirdə çıxış etdi.
SİA-nın əldə etdiyi məlumata görə, bu barədə Deadline yazır.
...Mən, yəqin ki, prezidentin ən sadiq fanatıyam.
Minaj bunu səhnədən deyib və əlavə edib ki, “...bu dəyişməyəcək. Neqativlik və insanların dedikləri mənə heç təsir etmir. Əslində, bu, məni onu daha çox dəstəkləməyə təşviq edir. Biz zorakılıq və qaralama kampaniyalarının işləməsinə imkan verməyəcəyik. Onun arxasında böyük güc var və Tanrı onu qoruyur”.
Tramp da öz növbəsində müğənni haqqında isti danışaraq, onun "əvvəldən MAGA hərəkatı ilə birlikdə olduğunu" qeyd edib.
O, həmçinin zarafatla onun görünüşünə şərh verərək, “saxta dırnaqlar almağı da düşünürdü”, çünki onları sevir.
Tədbir ABŞ Maliyyə Nazirliyinin fərdi pensiya hesabının bir versiyası olan yeni "Tramp hesabı"nın təşviqi üçün nəzərdə tutulmuşdu.
Proqram, 1 yanvar 2025-ci il ilə 31 dekabr 2028-ci il arasında doğulan hər bir uşaq üçün 1000 dollar ödəniş təmin edir. Valideynlər hesaba ildə 5000 dollara qədər ianə edə bilərlər. Hesab uşağın adına qeydiyyatdan keçirilir və vəsait 18 yaşına çatdıqdan sonra əlçatan olacaq.
Niki Minajın tədbirdə iştirakı Tramp administrasiyasının əyləncə dünyasının görkəmli simalarının siyasi və iqtisadi təşəbbüslərinin təşviqində iştirakının daha bir nümunəsidir.
Nazlı Almuradova