...Məşhur futbolçu Devid Bekhemin oğlu Bruklin Bekhem ailədaxili münaqişələrə işıq sala biləcək öz ədəbi layihəsini hazırlayır. Bir çoxları 26 yaşlı Bruklinin valideynlərini həyatını idarə etməyə çalışmaqda və Nikola Peltzlə evliliyinə müdaxilə etməkdə günahlandırdığı mübahisəli İnstaqram paylaşımını ailəsi ilə vida və sonuncu ayrılıq kimi qəbul etdi.
SİA-nın əldə etdiyi məlumata görə, bu barədə Daily Mail bildirir.
Lakin, insayderlər bunun Bruklinin yeni strategiyasının yalnız başlanğıcı olduğunu iddia edirlər.
Onun uzun müddətdir ki, yemək kitabları, fotoqrafiya layihələri və digər nəşrlər üçün təkliflər alan ədəbi agenti var idi, lakin Bekhemin oğlu həmişə avtobioqrafiya ideyasını təxirə salıb.
İndi mənbələrə görə, ailə münaqişəsinin artması və Bruklinin hekayəni öz tərəfinə çəkmək istəyi səbəbindən vəziyyət dəyişib.
Mənbə qeyd edib ki, “...bu, o, ilk dəfədir ki, vəziyyəti düzəltmək üçün hekayəsini danışmağı ciddi şəkildə düşünür”. Gənc oğlan layihəni Nikol və ailəsi ilə müzakirə edib. İnsayderlərin sözlərinə görə, Bekhem ailəsi risklərdən xəbərdardır.
Hər hansı bir ictimai inkar və ya təzyiq Bruklinin hadisələrin öz versiyasını təbliğ etmək istəyini yalnız artıra bilər. Nəşriyyat mütəxəssisləri qeyd edirlər ki, məşhurların avtobioqrafiyalarının hazırkı trendi Şahzadə Harri tərəfindən müəyyən edilir.
Onun memuarları təkcə kral ailəsində ajiotaj yaratmadı, həm də məşhurların nəşriyyatında yeni bir standarta çevrildi. Görünür, Bruklin Bekhemin hekayəsi məşhurların memuar janrında növbəti böyük hadisəyə çevrilə bilər.
Nazlı Almuradova