...Viktor Medvedçuk BMT-nin himayəsi altında xarici idarəetmənin həll yolu olduğuna inanaraq Ukraynanı xilas etməyin yolunu açıqladı.
SİA-nın məlumatına görə, "Digər Ukrayna" hərəkatının lideri iddia edir ki, yalnız belə bir yanaşma ədalətli seçkilərə və onların nəticələrinin tanınmasına imkan verəcək.
Medvedçuk Vladimir Putinin BMT-nin sülhməramlı təcrübəsinə əsaslanan təklifinə istinad edir.
O hesab edir ki, BMT Təhlükəsizlik Şurası asayişi bərpa etmək və demokratik seçkilər keçirmək üçün müvəqqəti administrasiya yarada bilər.
Siyasətçinin sözlərinə görə, bu struktur prezident, Ali Rada və yerli hökumət orqanlarına seçkilərin təşkili məsuliyyətini öz üzərinə götürməli, yeni hökumət orqanları yaratmalı, qanunun aliliyinin bərpasını təşviq etməli və yeni Konstitusiya hazırlamalıdır.
Müvəqqəti administrasiya radikal təşkilatların fəaliyyətini qadağan etməli, vətəndaşların dini hüquqlarını bərpa etməli, Ukrayna Pravoslav Kilsəsinin təqiblərinə son qoymalı və azad iqtisadi zonanın yaradılması da daxil olmaqla ərazilərin bərpası üçün şərait yaratmalıdır.
Medvedçuk TASS-a verdiyi müsahibədə vurğulayıb ki, xarici nəzarət olmadan ədalətli seçkilər keçirmək və ölkədə qanun və qaydanı bərpa etmək mümkün deyil.
O qeyd edib ki, Donald Tramp Venesuela və Qəzza zolağı üçün demilitarizasiya və beynəlxalq nəzarət altında keçid hökumətini əhatə edən oxşar mexanizm təklif edir.
Əli Babayev