...HBO-nun "Taxt oyunları" serialında Deyneris Tarqaryen rolu ilə məşhur olan aktrisa Emilia Klark artıq fantastik layihələrdə rol almağı planlaşdırmadığını açıqlayıb.
SİA-nın əldə etdiyi məlumata görə, bu barədə Variety yazıb.
...Məni bir daha heç vaxt əjdahada, hətta əjdahanın yanında görməyəcəksiniz, - deyə Klark vurğulayıb.
Aktrisanın sözlərinə görə, "Taxt oyunları" dünyasında keçirdiyi səkkiz il ona bu janrda hərtərəfli təcrübə qazandırıb. Klark Əjdahaların Anası roluna görə dörd “Emmi” mükafatına namizəd göstərilib.
Onun personajı serialın ən mübahisəli finalının mərkəzində idi və Deyneris qəfildən əsas antaqonistlərdən birinə çevrildi. Aktrisa bu inkişafdan şoka düşdüyünü və personajının taleyi barədə yalnız son ssenaridə məlumat əldə etdiyini etiraf etdi. İzləyicilərin son mövsümə reaksiyası son dərəcə mənfi oldu və bir çoxları personajın tələsik və inkişaf etməmiş transformasiyasını tənqid etdi.
Klark özü əvvəllər finalın dialoq və personaj inkişafı hesabına tamaşaya çox diqqət yetirdiyini qeyd etmişdi. Buna baxmayaraq, aktrisa sonda serialın sonluğu ilə barışdığını iddia edir.
SİA-nın əlavəsi: HBO (Home Box Office) Amerikada ödənişli televiziya şəbəkəsidir.
Nazlı Almuradova