ABŞ Prezidenti Donald Tramp Danimarkaya ünvanladığı sərt bir bəyanatda onun Qrenlandiyadan dərhal çıxmasını tələb edib. O, bu mesajı sosial mediada NATO-ya istinadən paylaşıb.
…NATO: Danimarkaya deyin ki, bu ərazini dərhal tərk etsin! Bu, iki it dəstəsi üçün çoxdur! Bunu yalnız ABŞ edə bilər! Tramp mesajında bildirib.
O, yazısında ötən il Danimarka kəşfiyyat xidmətlərinin Qrenlandiya və Arktikadakı potensial Rusiya və Çin hərbi maraqları ilə bağlı verdiyi xəbərdarlıqları müzakirə edən bir məqaləyə keçid əlavə edib.
Qeyd etmək lazımdır ki, ABŞ Prezidenti dəfələrlə Qrenlandiyanın ABŞ-ın milli təhlükəsizliyi üçün strateji əhəmiyyətini vurğulayıb.
Onun fikrincə, bu adaya nəzarət ABŞ-ın Arktika bölgəsindəki geosiyasi maraqları ilə birbaşa bağlıdır.
Bu baxımdan, dünyanın bu ən böyük adasına Amerika ştatlarından biri statusunun verilməsini nəzərdə tutan qanun layihəsi artıq ABŞ Konqresində müzakirəyə təqdim edilib.
Əli Babayev