...Ukraynalı politoloq Vadim Denisenko hesab edir ki, Ramzan Kadırov ölərsə, ya Maqomed Daudov, ya da Adam Delimxanov Çeçenistanın yeni lideri ola bilər.
SİA-nın əldə etdiyi məlumata görə, Denisenko “Facebook” səhifəsində yazıb ki, “...Kadırovun ölümü ehtimal olunur. Separatizmdə heç bir artım olmayacaq. Əgər Kadırovun böyrəkləri həqiqətən sıradan çıxarsa, yaxın günlərdə, bəlkə də həftələrdə Çeçenistanın yeni liderinin adına sahib olacağıq”.
O qeyd edib ki, Kadırovun oğullarından heç biri Çeçenistanın lideri ola bilməz, çünki bu, Rusiya qanunvericiliyini pozmaq və ya yenidən yazmaq tələb edəcək..?
...Vladimir Putin "həmişə belə şeylərdən qaçmağa çalışıb". Eyni zamanda, Denisenko qeyd edib ki, belə bir ssenarini tamamilə istisna etmək olmaz, lakin hələlik bu, ehtimal olunmur.
Politoloq izah edib ki, Kremlin Çeçenistan rəhbərliyini dəyişdirməkdə əsas məqsədi vətəndaş qarşıdurmasının qarşısını almaq və tamamilə Moskvadan asılı olacaq nəzarətli hakimiyyət keçidini təmin etməkdir.
...Bu o deməkdir ki, yüksək ehtimalla yeni lider Kadırov klanından biri olacaq: ya Daudov, ya da Delimxanov (bəlkə də hər ikisi hakimiyyət piroqundan öz payını alacaq, baxmayaraq ki, bu, qaçılmaz olaraq münaqişəyə səbəb olacaq), - deyə o hesab edir.
Əli Babayev