Görüşün əsas mövzusu Ukraynadakı vəziyyət və müharibə ilə bağlı təhlükəsizlik təminatları olacaq
Yanvarın 8-də Fransa prezidenti Emmanuel Makronun çağırışı ilə Yelisey sarayında Sen-Deni formatında görüş keçiriləcək. Bu görüş Parisdə yanvarın 6-da başlayan “İradəlilər Koalisiyası”nın iclasının davamı olacaq və Ukraynadakı müharibədən irəli gələn təhlükəsizlik məsələləri müzakirə olunacaq. SİA xəbər verir ki, bu barədə dekabrın 8-də “Fakty” məlumat yayıb.
Yelisey Sarayından bildirilib ki, Senatın sədri, Milli Assambleyanın sədri, parlament partiyalarının rəhbərləri, parlament qruplarının rəhbərləri, hər iki palatanın müdafiə və xarici əlaqələr komitələrinin rəhbərləri iştirak etmək üçün dəvət olunublar. Görüşün əsas mövzusu Ukraynadakı vəziyyət və müharibə ilə bağlı təhlükəsizlik təminatları olacaq.
Xatırladaq ki, artıq yanvarın 6-da Parisdə “İradəlilər Koalisiyası”nın iclası keçirilib, iclasda iştirakçı ölkələrdən 35 nümayəndə iştirak edib. Tədbirdə 27 dövlət və hökumətin nümayəndələri ilə birlikdə Ukrayna prezidenti Vladimir Zelenski şəxsən iştirak edib. Digər nümayəndələr arasında amerikalı iştirakçılar Stiv Vitkoff və Jared Kuşner, həmçinin NATO-nun Avropadakı Müttəfiq Qüvvələrinin Ali Baş Komandanı general Aleks Qrinkeviç də var idi. Zirvə görüşündən sonra Ukrayna, Fransa və Böyük Britaniya arasında aktiv hərbi əməliyyatlar başa çatdıqdan sonra Ukraynada çoxmillətli qüvvələrin yerləşdirilməsi planlarına dair üçtərəfli saziş imzalanıb. Bundan əlavə, Koalisiyaya üzv dövlətlər Ukrayna ilə birlikdə müharibədən sonra sabit və davamlı sülhün təmin edilməsi üçün təhlükəsizlik zəmanətlərini ehtiva edən bəyannamə üzərində razılığa gəliblər.
VƏLİ