...Əfqanıstan ardıcıl ikinci ildir ki, Tatarıstandan ən çox halal məhsul idxal edən ölkəyə çevrilib.
SİA-nın məlumatına görə, KP-Kazan xəbər verir ki, bu il iki ölkə arasında ticarət dövriyyəsi əvvəlki ilə nisbətən 50 faiz artımla 51,7 milyon dollara çatıb.
Əfqanıstan bazarında Tatarıstan brendlərinə tələbat durmadan artır.
Əfqanıstandakı Rusiya Biznes Mərkəzi qeyd edib ki, bu məbləğin yalnız təxminən 5 faizi Tatarıstan istehsalçılarının birbaşa göndərişlərindən əldə edilib.
Tatarıstanın Əfqanıstana tədarük etdiyi məhsulların əsas hissəsi təkrar ixracdır.
...Ardıcıl ikinci ildir ki, Əfqanıstan Tatarıstandan halal məhsulların alınmasında mübahisəsiz liderdir. Təəssüf ki, bu məbləğin yalnız təxminən beş faizi Tatarıstanın halal istehsalçılarından birbaşa alış-verişlərdən əldə edilir. Qalan məhsullar qonşu Orta Asiya şirkətlərindən alış-veriş yolu ilə Əfqanıstana idxal olunur, - deyə mərkəzin direktoru Rüstəm Xabibullin təəssüflə bildirib.
Onun sözlərinə görə, birbaşa ticarətin genişləndirilməsinin əsas maneəsi mürəkkəb logistikadır.
Tatar-inform-un məlumatına görə, Tatarıstandan Əfqanıstana göndərmə xərcləri Orta Asiya rəqiblərinin qiymətindən iki, bəzən isə üç dəfə yüksəkdir.
Bu qiymət fərqi Əfqanıstan idxalçılarını vasitəçilərə etibar etməyə məcbur edir, lakin bu, Tatarıstandan yüksək keyfiyyətli halal mallara son istehlakçı tələbatını azaltmır.
Əli Babayev