...Zelenski Ukrayna üçün təhlükəsizlik zəmanətləri ilə bağlı maraqlı məlumatlar təqdim etdi. Bu, Kiyevdə bu formatda ilk görüş olacaq.
...Yanvarın 5-də Ukraynanın tərəfdaş ölkələrinin Baş Qərargah rəisləri təhlükəsizlik zəmanətləri ilə bağlı görüş keçirəcəklər.
SİA-nın məlumatına görə, Ukrayna Prezidenti Vladimir Zelenski bunu 1 yanvar axşam çıxışında açıqladı.
Prezident xatırlatdı ki, 3 yanvarda Kiyevdə milli təhlükəsizlik müşavirlərinin görüşü keçiriləcək ki, bu da Ukraynada sülh məsələləri ilə bağlı ilk belə görüş olacaq.
Avropa nümayəndələri iştiraklarını təsdiqləyiblər və ABŞ komandası onlayn olacaq.
Zelenski deyib ki, “...on beş ölkə iştiraklarını təsdiqləyib, üstəgəl Avropa strukturlarının və NATO-nun nümayəndələri. Daha sonra, yanvarın 5-də hərbi görüş olacaq və Baş Qərargah rəisləri görüşəcəklər. Ən vacibi Ukrayna üçün təhlükəsizlik zəmanətləridir”. O əlavə edib ki, “siyasi cəhətdən demək olar ki, hər şey hazırdır” və indi müharibənin bitməsi halında “hər detalı, zəmanətlərin havada, quruda və dənizdə necə işləyəcəyini araşdırmaq” vacibdir.
Zelenski əlavə edib ki, "qətiyyətlilər koalisiyası" liderlərinin görüşü yanvarın 6-da Fransada keçiriləcək.
Ukrayna prezidenti vurğulayıb ki, “Biz hazırda görüşün məhsuldar olmasını, daha çox dəstəyin olmasını və zəmanətlərə və sülh müqaviləsinə daha çox siyasi inamın olmasını təmin etmək üçün hazırlıq görürük”.
Əli Babayev