Rusiya prezidentinin mətbuat katibi Dmitri Peskov Ukrayna qoşunlarının hərbi əməliyyatlara son qoymaq üçün Donbasdan geri çəkilməsinin vacibliyini bildirdi.
SİA xəbər verir ki, o, bu açıqlamanı jurnalistlərin suallarını cavablandırarkən verdi.
Media nümayəndələri Rusiya prezidentinin köməkçisi Yuri Uşakovun Rusiya və ABŞ prezidentləri Vladimir Putin və Donald Tramp arasında bir gün əvvəl baş tutan telefon danışığından sonra verdiyi açıqlamaya aydınlıq gətirilməsini istədilər.
Uşakov bildirib ki, hərbi əməliyyatlara birdəfəlik son qoymaq üçün Kiyev "Rusiya-Amerika kanalı vasitəsilə aparılan işə uyğun cəsarətli, məsuliyyətli siyasi qərar" verməlidir.
O əlavə edib ki, "cəbhə xəttindəki dəyişən vəziyyəti nəzərə alsaq, Ukrayna rejiminin Donbasla bağlı bu qərarı gecikmədən verməsi məntiqli olardı".
...Əlbəttə ki, bu, Kiyev rejiminin silahlı qüvvələrinin inzibati sərhədlərdən kənara Donbasdan çıxarılması deməkdir
Bunu Peskov deyib.
Bunun yalnız Donbasa, yoxsa Xerson və Zaporojye bölgələrinə də aid olub-olmadığı soruşulduqda, o vurğulayıb ki, “...Mən artıq burada bildirmişəm ki, biz fərdi müddəaları tam şərh etməyəcəyik və ya ictimai müzakirəyə qatılmayacağıq”.
Əli Babayev