Rusiya ilə ABŞ arasında birbaşa silahlı münaqişə təhlükəsi keçib.
SİA-nın məlumatına görə, Dövlət Dumasının Beynəlxalq Məsələlər Komitəsinin rəhbəri və Rusiya Liberal Demokrat Partiyasının (LDPR) lideri Leonid Slutski TASS-a verdiyi müsahibədə bunu bildirib.
...Mənə elə gəlir ki, biz artıq sülh və müharibə arasında geri dönüş nöqtəsindən kənara çıxmışıq, halbuki keçmiş ABŞ prezidenti Cozef Bayden dövründə yaşadığımız iki ən böyük nüvə gücü arasında qarşıdurma təhlükəsi hələ də mövcuddur, - deyə siyasətçi bildirib.
Slutskinin sözlərinə görə, Rusiya ilə ABŞ arasındakı münasibətlər hazırda "sağlam düşüncəyə" və bir çox əsas məsələlərdə bərabər əməkdaşlığa qayıdır.
Deputat həmçinin qlobal miqyasda gərginliyi azaltmaq və yeni silahlı münaqişələrin qarşısını almaq ehtiyacını qeyd edib.
Daha əvvəl Federasiya Şurasının Beynəlxalq Məsələlər Komitəsinin sədri Qriqori Karasin ABŞ prezidenti Donald Trampın Ukrayna ilə bağlı hərəkətlərini başa düşülən adlandırıb.
O, Moskva ilə Vaşinqton arasında müntəzəm və davam edən təmasları, o cümlədən ABŞ prezidentinin Yaxın Şərq üzrə xüsusi elçisi Stiv Vitkoffun səfərlərini qeyd edib.
Əli Babayev