...İtaliya sürətli moda seqmenti üçün qaydaları sərtləşdirməyə hazırlaşır. Ölkə Senatı Avropa Birliyindən kənar ölkələrdən gələn 150 avroya qədər bütün bağlamalar üçün iki avro məbləğində sabit rüsum tətbiq edən qanun layihəsini təsdiqləyib.
SİA-nın xarici qaynaqlardan əldə etdiyi məlumata görə, yeni tədbirlər birbaşa Shein və Temu kimi məşhur onlayn platformalara təsir edəcək.
Sənədin ilin sonuna qədər parlamentin aşağı palatası tərəfindən heç bir dəyişiklik edilmədən təsdiqlənməsi gözlənilir.
Hakimiyyət orqanları vurğulayır ki, təşəbbüs son illərdə bazarı bürüyən ucuz, keyfiyyətsiz malların nəzarətsiz axınının qarşısını almağa yönəlib.
Bundan əlavə, İtaliyadakı dəyişikliklər daha geniş Avropa siyasətinin bir hissəsi olacaq.
Artıq 2026-cı ilin birinci rübündə Avropa Birliyi 150 avrodan aşağı dəyərli bağlamalar üçün mövcud rüsumsuz həddi ləğv etməyi planlaşdırır ki, bu da sürətli moda məhsullarının idxalını daha da məhdudlaşdırmalı və sərhədyanı ticarətə nəzarəti gücləndirməlidir.
Nazlı Almuradova