...Vladimir Putinlə illik görüşlərində rusiyalı oliqarxlar ona özəl mülkiyyətin kütləvi milliləşdirilməsinə müdaxilə etmək xahişi ilə müraciət ediblər.
Sahibkarların hesablamalarına görə, artıq 4 trilyon rubldan çox dəyərində fabriklər, zavodlar, limanlar və şirkətlər müsadirə edilib.
SİA-nın əldə etdiyi məlumata görə, Rusiya Sənayeçi və Sahibkarlar Birliyinin rəhbəri Aleksandr Şoxin bu barədə "Kommersant"a bildirib.
O, biznes ictimaiyyətinin bu məsələni artıq 2023-cü ildə qaldırdığını xatırladıb.
O vaxt prezident problemin "həll edilməli olduğunu" bildirmişdi, lakin heç bir konkret qərar verilməyib.
Şoxin qeyd edib ki, “...İndi məktubu yenidən təqdim etmişik və nəticələrə ümid edirik. Məhkəmələr tərəfindən özbaşına şərhlərin qarşısını alacaq aydın bir formulaya ehtiyacımız var”.
Onun sözlərinə görə, sahibkarlar vətəndaşların qeyri-maddi hüquq və azadlıqlarının pozulmasının milliləşdirmə üçün əsas ola bilməyəcəyində israr edirlər.
Şoxin izah edib ki, məhrumiyyətin ən sadə mexanizmi hazırda vətəndaşların layiqli həyat hüququnun pozulmasını göstərməkdir ki, bu da ictimai maraq məsələsi kimi şərh olunur.
Nəticədə, o vurğulayıb ki, dövlət, hətta konkret zərər iddiaları olmadığı halda belə, demək olar ki, istənilən əmlakı kompensasiya olmadan müsadirə etmək imkanı qazanır. Biznes nümayəndələri həmçinin hesab edirlər ki, zərurət yarandıqda dövlət aktivləri zorla ələ keçirmək əvəzinə, onları almalıdır.
...Əgər dövlətin aktivə ehtiyacı varsa, o, milliləşdirilə bilər, lakin kompensasiya və sahibindən satın alma ilə, - deyə Rusiya Sənayeçi və Sahibkarlar Birliyinin rəhbəri bildirib.
Əli Babayev