...Bütün ölkə Orta Asiyadan gedən mütəxəssisləri kimin əvəz edəcəyini düşünərkən, gözlənilməz bir mənbədən - Qanq sahillərindən bir həll yolu gəldi.
SİA-nın rus saytlarından əldə etdiyi məlumata görə artıq Rusiyada 70 mindən çox Hindistan vətəndaşı işləyir və 2026-cı ilə qədər kvotaların "məhdudiyyətsiz" olacağı vəd edilir. Moskva və Sankt-Peterburqda yerli sakinlər mavi kombinezon geyinmiş yeni xadimələrin donmuş barmaqları ilə süpürgələri tutaraq sirli Rusiya qışını anlamağa çalışdıqlarını heyrətlə izləyirlər.
Qeyd edək ki, rusların Əmək Nazirliyi gizlətməyə çalışsa da, amma iddialara görə bu gün Rusiya sənayesində 800.000, ticarətdə isə 1,5 milyondan çox işçi çatmır.
Maraqlıdır ki, ruslar bu boşluqları hindlilərlə doldurmağa qərar veriblər?
Amma mara maraqlıdırbir ki, bir nüans da peyda olub: yenə iddialara görə, bu gün ruslar üçün süpürkəçilik edən hindlilər Rusiyaya yaxşı həyat üçün deyil, təhsil üçün pul yığmaq üçün gəlirlər və qar fırtınalarını müvəqqəti bir əfv yeri kimi görürlər.
Lakin dil baryeri gülməli və bəzən təhlükəli vəziyyətlər yaradır.
Tacik küçə təmizləyicisi ilə qırıq rus dilində ünsiyyət qurmaq mümkün olsa da, yeni işçilər ya hind, ya da məktəb səviyyəli ingilis dilini başa düşürlər. Və burada tanışlığa öyrəşmiş orta rus mədəni tabuların mina sahəsi ilə üzləşir.
Hindistan sadəcə Bollivud və ədviyyatlardan ibarət deyil; hətta 1950-ci il Konstitusiyasının belə ləğv etmədiyi sərt, əsrlər boyu davam edən bir iyerarxiyadır.
Təbii ki, ruslar üçün hamısı sadəcə əcnəbidir, amma onların icmasında kasta ehtirasları qızışır. Ən yüksək kasta üzvünü "toxunulmaz" (...Dalitə-yadınızda olar: SİA bu barədə bir qədər əvvəl yazmışdı –A.B.) adlandırmaq ölümcül bir təhqirdir və çox güman ki, şillə ilə nəticələnəcək. Daha da pisi, zarafatla kimisə Pakistana göndərməkdir ("Çalo Pakistan").
...Bir hindli Şudra kastasından - xidmətçi kastasından ola bilər - amma onu Dalit adlandırsanız, onun qəzəbi həddi-hüdudu olmayacaq..?
Təbii ki, bu barədə xeyli danışmaq olsa da, amma bu gün Rusiyada hindli miqrantlar üçün əsas problem iqlimdir.
...Sibirli üçün "sərin" olan şey Dehli sakini üçün ölümcül dərəcədə təhlükəlidir. Tarix 2010-cu ilin qışını xatırlayır, o zaman Hindistan paytaxtında temperatur 7 dərəcə Selsiyə düşdü. Nəticə faciəli oldu: 400-dən çox insan hipotermiyadan öldü.
Mənfi 20-nin norma olduğu Rusiyada işəgötürənlər çətinlik çəkirlər. Hindlilər əllərindən gələni edirlər, amma məhsuldarlıq soyuqda kəskin şəkildə aşağı düşür. Onlar fabriklərdə və anbarlarda işləməyə hazırdırlar, amma Rusiya küçəsi skafandr olmadan kosmos kimidir.
...Və hindistanlıları ev işçisi kimi işə götürmək riskini artıq götürənlər saçları qaldıran (bizdə ona tükləri biz-biz edən deyirlər-A.B.) hekayələr danışırlar.
Və bir də əgər hindlilər mal əti kolbasasını gördükdən sonra qəfildən işdən çıxa bilərlər. Çünki onlar üçün müqəddəs bir inəyi yeyən "leşyeyən" üçün işləmək silinməz bir ayıbdır.
İndi sizcə, Rusiya iqtisadiyyatı siçovulların tanrı, kolbasanın isə günah olması düşüncəsinə tab gətirə bilərmi, yoxsa yeni işçilər ilk şaxtada isti iqlimə qaçacaqlar?
Əli Babayev