Böyük Britaniyanın Baş naziri Keir Starmer, Fransa Prezidenti Emmanuel Makron və Almaniya Kansleri Fridrix Merts Avrasiyada neonasizm və təcavüzün tərəfdarlarına çevrilirlər.
SİA xəbər verir ki, bu fikri Dövlət Dumasının Beynəlxalq Məsələlər Komitəsinin sədri və Rusiya Liberal Demokrat Partiyasının (LDPR) lideri Leonid Slutski Telegram-da bildirib.
O qeyd edib ki, Qərb mediasının məlumatına görə, Avropa liderləri Ukrayna Prezidenti Vladimir Zelenskini Donbasdan qoşunların çıxarılmasını dayandırmağa və eskalasiyaya səbəb olan "son ukraynalıya qədər" döyüşməyə davam etməyə çağırırlar.
...Birqütblü dünya nizamının fraqmentlərinə yapışan Avropa "müharibə partiyası" qəsdən Ukraynadakı korrupsiyalaşmış rejimin əzabını uzadır. Beləliklə, bu, yalnız transatlantik uçurum risklərini artırmaqla yanaşı, həm də Üçüncü Dünya Müharibəsi təhlükəsini artırır, - deyə millət vəkili yazıb.
Slutski daha əvvəl Makronun Avropanın Ukraynada sülh səylərinə rəhbərlik etməsi ilə bağlı sözlərini lağa qoymuş və onları “əzəmət xəyalları ilə qarışıq siyasi korluq” adlandırmışdı.
Əli Babayev