...Çində hibrid güc aqreqatı ilə təchiz olunmuş yeni Nissan N6 orta ölçülü sedanının satışlarına başlanılıb. Yeni modelin qiyməti 91.900 yuandan (rus pulu ilə təxminən 1 milyon rubl) başlayır.
SİA-nın məlumatına görə, gələn il yeni model Cənub-Şərqi Asiya, Yaxın Şərq və bəzi Latın Amerikası ölkələrində satışa çıxarılacaq.
Nissan N6, əvvəllər yalnız elektrikli nəqliyyat vasitələrindən ibarət olan N seriyasındakı ilk hibrid avtomobildir.
N6-nın dizaynı demək olar ki, N7 ilə eynidir, lakin ölçüləri bir qədər kiçikdir.
N6-nın uzunluğu 4831 mm, eni 1885 mm, hündürlüyü 1494 mm və təkər bazası 2815 mm-dir. İnteryerdə iki ayrı ekran var: 10,25 düymlük cihaz paneli və 14,6 düymlük məlumat-əyləncə sistemi...
Məlumat-əyləncə sistemi Qualcomm Snapdragon 8155 ilə işləyir. Standart xüsusiyyətlərə həmçinin arxa görüntü kamerası, düyməli işə salma, LED faralar və sıfır çəkisi olan oturacaqlar daxildir.
Daha yüksək komplektasiya səviyyələrinə panoramik dam, 360 dərəcəlik kameralar və sürücüyə kömək sistemləri daxildir.
Nissan N6 102 at gücünə malik 1,5 litrlik benzin mühərriki və 210 at gücünə malik tək elektrik mühərriki ilə təchiz olunub. Model 21,1 kVt/saatlıq batareya ilə təchiz olunub.
İddia edilən elektrik enerjisi ilə 180 km məsafə qət etmək mümkündür.
Nazlı Almuradova