...SİA xəbər verir ki, Avtostat rəhbəri Sergey Tselikovun sözlərinə görə, 2025-ci ilin ilk on ayında Rusiya Federasiyasına sağ sükanlı minik avtomobillərinin idxalı ötən ilin eyni dövrü ilə müqayisədə 8 faiz azalaraq 185.600 ədəd təşkil edib.
İdxalın demək olar ki, hamısı üç ildən yuxarı olan avtomobillər olub və 98,5 faiz təşkil edib.
Yalnız 2600 avtomobil və ya ümumi avtomobilin 1,5 faizi gömrükdə yeni kimi rəsmiləşdirilib.
Ənənəvi olaraq, Yaponiya avtomobil istehsalçıları əsas təchizatçılardır.
İdxal edilən sağ sükanlı avtomobillərin böyük hissəsi Toyota (64.000 ədəd), ardınca Honda (53.200) gəlir. Birlikdə bu iki marka bütün idxalın təxminən üçdə ikisini təşkil edir. Nissan (11.000), Suzuki (10.800) və Subaru (10.800) də ilk beşliyə daxil olub.
SİA-nın yazdığı kimi, bu yaxınlarda Rusiyaya sağ sükanlı nəqliyyat vasitələrinin idxalına qadağa qoyulması ilə bağlı xəbərlər yayıldı, lakin Rosaccreditation rəsmi olaraq bu məlumatı təkzib edərək yalan adlandırdı..?
Nazlı Almuradova