...SİA xəbər verir ki, “Financial Times” qəzetinin məlumatına görə, Pentaqon katibi Pit Heqset və ABŞ ordusunun katibi Daniel Driskol arasında gərgin münasibətlər mövcuddur.
“Financial Times” iddia edir ki, "Vaşinqtonun ən pis qorunan sirlərindən biri" Driskolun Hərb naziri Heqset ilə gərgin münasibətləridir.
Nəşr qeyd edir ki, Heqset vəzifəsindən kənarlaşdırılacağı təqdirdə Driskol bu vəzifəyə namizəd hesab olunur.
ABŞ Müdafiə Nazirliyinin keçmiş rəsmisinin sözlərinə görə, o, Pentaqona rəhbərlik etmək istədiyini "açıq şəkildə bildirib".
Müxbirlər qeyd edirlər ki, 38 yaşında Driskol tarixdə ən gənc ABŞ ordusunun katibi olub.
O, Vansla eyni vaxtda Yel Hüquq Məktəbində oxuyub və onunla dostlaşıb.
Hazırda Ordu katibi kimi Driskol ABŞ ordusunun 185 milyard dollarlıq büdcəsinə, təxminən 1 milyon hərbçiyə, 265 mindən çox mülki şəxsə və silahlı qüvvələr üçün silah tədarükünə nəzarət edir.
Məqalədə deyilir ki, Driskol özəl kapital firmalarını orduya investisiya qoymağa dəvət edib və müqavilə bağlamaq üçün daha çox kommersiya və müdafiə texnologiyası şirkətlərini cəlb etmək istəyir.
Əli Babayev