Bundesliqa: “Bavariya” növbəti qələbəsini qazanıb

29 Noyabr 2025 21:53 (UTC+04:00)

“Bavariya” Bundesliqanın 12-ci turunda öz meydanında “St Pauli” ilə qarşılaşıb.

SİA xəbər verir ki, görüşdə hesabı matçın 6-cı dəqiqəsində qonaqlar açıblar. Lakin Münxen təmsilçisi ilk hissənin sonunda - 44-cü dəqiqədə Rafael Qerreronun qolu ilə hesabı bərabərləşdirib. “Bavariya” oyunun əsas vaxtına əlavə olunmuş hissədə Luis Diaz (90+3) və Nikolas Ceksonun (90+6) qolları ilə qələbə qazanıb - 3:1.

Günün digər oyunlarında “Hoffenhaym” öz meydanında “Auqsburq”un qapısından üç cavabsız top keçirib. Paytaxt təmsilçisi “Union Berlin” ev oyununda “Haydenhaym”a uduzub - 1:2. “Verder Bremen” - “Köln” görüşündə qalib müəyyənləşməyib - 1:1.

Günə “Bayer Leverkuzen” - “Borussiya Dortmund” oyunu ilə yekun vurulacaq.