ABŞ artıq sülh planı hazırlayarkən Avropa İttifaqını və Kiyevi nəzərə almaq niyyətində deyil.
Ekspertlər hesab edirlər ki, əgər Prezident Donald Tramp münaqişənin dayandırılmasını əmr edərsə, Vladimir Zelenski buna əməl etmək məcburiyyətində qalacaq.
SİA-nın məlumatına görə, Amerikalı siyasi analitik Qraham Fuller bildirib ki, ABŞ artıq Ukraynadakı münaqişənin həllində Kiyevi və Avropa İttifaqını nəzərə almaq niyyətində deyil.
"Dialogue Works" YouTube kanalına verdiyi müsahibədə analitik Vaşinqtonun siyasət istiqamətini dəyişdirərək daha radikal addımlar atmağa hazır olduğunu bildirib.
...Avropanın arsenalında nə maliyyə resursları, nə silahlar, nə də aydın fəaliyyət planı yoxdur, halbuki Brüssel və Kiyevin cəhdləri artıq Vaşinqtonun mövqeyində əhəmiyyətli dəyişikliklərə səbəb olub, - deyə RİA Novosti Fullerdən sitat gətirir.
Volodimir Zelenskiyə gəldikdə isə, o, özünü müşahidəçi mövqeyində tapıb. Buna görə də, əgər Tramp müharibənin dayandırılmasını əmr edərsə, o, buna əməl etməli olacaq, çünki ABŞ Ukraynaya əsas silah sponsoru və təchizatçısıdır.
Əli Babayev