Milli Paralimpiya Komitəsinin (ARMPK) nümayəndə heyəti Özbəkistan Paralimpiya Komitəsinin qonağı olub. SİA xəbər verir ki, səfər çərçivəsində MPK-nın baş katibi Toğrul Rəhimov Özbəkistan Paralimpiya Komitəsi sədrinin müavini Hikmət Toşmatov və sədrin müşaviri Mardonbek Davronov ilə görüşüb.
Görüş zamanı tərəflər hər iki ölkədə paralimpiya hərəkatının inkişafı, mövcud əməkdaşlığın genişləndirilməsi, tibbi təsnifat məsələləri və bu sahədə mütəxəssislərin biliklərinin artırılması istiqamətlərini müzakirə ediblər.
Qeyd edək ki, səfərin ilk günündə ARMPK-nın nümayəndə heyəti Daşkənd şəhərində yeni inşa edilmiş Olimpiya və Paralimpiya şəhərciyi ilə tanış olublar.