...Səudiyyə Ərəbistanı əcnəbilərə mənzil satışına qoyulan məhdudiyyətləri aradan qaldıracaq.
SİA-nın məlumatına görə, bu barədə homesoverseas.ru xəbər verir.
Yanvar ayında Səudiyyə Ərəbistanı Krallığı əcnəbilərə geniş çeşiddə daşınmaz əmlaka sahib olmağa imkan verən qanunlar qəbul etməyi planlaşdırır.
Bloomberg-in məlumatına görə, əcnəbilər yaşayış, kommersiya, kənd təsərrüfatı və sənaye mülkləri, eləcə də tikinti üçün torpaq ala biləcəklər.
Hakimiyyət orqanları hazırda Ər-Riyad, Ciddə və müsəlmanların müqəddəs şəhərləri olan Məkkə və Mədinədə əcnəbilər üçün açıq olacaq zonalar müəyyənləşdirir.
Bu zonalarda əmlak mülkiyyəti üçün bir sıra qaydalar da hazırlanır.
Xarici satınalmalar üçün mövcud olan zonalar geniş olacaq və bu da xarici investorlara krallıqda irimiqyaslı layihələr həyata keçirməyə imkan verəcək.
Təyin olunmuş zonalarda xarici mülkiyyətin payının 70-90 faiz ilə məhdudlaşdırılması gözlənilir. Ən əhəmiyyətli məhdudiyyətlərdən biri artıq məlumdur: yalnız müsəlmanlar Məkkə və Mədinədə əmlak ala biləcəklər.
Əli Babayev