...Kimyaçı birdəfəlik kağız fincanların təhlükələrini izah edib. Birdəfəlik süfrə qabları həyatımızın ayrılmaz hissəsinə çevrilib. Çöldə gəzintilərə aparmaq rahatdır, yüngüldür və ikinci dəfə düşünmədən atmaq asandır.
Bir çoxları isti qəhvəni də satış avtomatlarından birdəfəlik kağız fincanlarda alırlar.
Lakin, demək olar ki, heç kim sağlamlıqlarını nə qədər ciddi şəkildə riskə atdıqlarını dərk etmir.
SİA xəbər verir ki, mütəxəssis iddiasına görə, laminat örtüklü birdəfəlik kağız fincanların bir əhəmiyyətli çatışmazlığı var. Onun sözlərinə görə, istehsalçılar kağız fincanların istehsalında yüksək sıxlıqlı polietilen, polilaktid və polipropilen də daxil olmaqla müxtəlif növ polimerlərdən istifadə edirlər.
Bu materiallar kağızı nəmdən qorusa da, isti mayelərə məruz qaldıqda mikroplastik hissəciklər də buraxa bilər.
Buna görə də, onlar gündəlik həyatda istifadə edilməməlidir.
...Prinsipcə, bu polimerlər zəhərli deyil və qida məhsulları ilə təmasda olması təsdiqlənib. Lakin, bu stəkanlardan müntəzəm istifadə etməmək daha yaxşıdır. Bu polimerlərin bəziləri udula bilər ki, bu da arzuolunmazdır. Bu hissəciklərin ölçüsü 56-dan 126 mikrometrə qədər dəyişir və bədən daxilində miqrasiya edə bilərlər, - deyə kimyaçı izah edib.
Onun fikrincə, kağız stəkanların digər bir təhlükəsi odur ki, onlar heç vaxt təkrar istifadə edilməməlidir, çünki hazırlandıqları materialı düzgün təmizləmək demək olar ki, mümkün deyil.
Mütəxəssis bunun əvəzi olaraq ucuz plastikdən daha çox, keramika, şüşə və paslanmayan polad kimi materiallardan hazırlanmış təkrar istifadə edilə bilən termal stəkanlardan istifadə etməyi təklif edir.
Bu yolla özünüzü lazımsız problemlərdən xilas edəcəksiniz...
Nazlı Almuradova