...Çin qoşunları Birləşmiş Ərəb Əmirliklərindəki hərbi bazada yerləşdirilə bilər.
SİA-nın əldə etdiyi məlumata görə, iki keçmiş Amerika rəsmisi bu şübhələri The Middle East Eye ilə bölüşüb.
Anonimlik şərti ilə danışarkən, onlar ABŞ-ın Çin Xalq Azadlıq Ordusunun şəxsi heyətinin Əbu-Dabidəki Zayed Hərbi Bazasında yerləşdirilə biləcəyinə inandığını söyləyiblər.
ABŞ nümayəndələrinə giriş icazəsi verilmədikdən sonra Vaşinqton baza haqqında məlumat toplamağa başlayıb. Nəşrin mənbələrinə görə, Çin ordusu BƏƏ-dəki Amerika qüvvələri haqqında kəşfiyyat məlumatları toplaya bilər. Amerika kontingenti Əbu-Dabidən 30 km cənubda yerləşən Əl-Dəfra Hərbi Bazasında yerləşir.
Keçmiş rəsmilərin sözlərinə görə, Birləşmiş Ərəb Əmirlikləri, digər Asiya ölkələrinin keçmişdə etdiyi kimi, maliyyə kompensasiyası müqabilində Çinlə əməkdaşlıq etməyə razılaşmış ola bilər.
BƏƏ və Çin müdafiə əməkdaşlığına açıqdırlar. 2024-cü ildə onlar Çinin Sincan Uyğur Muxtar Bölgəsində birgə hava qüvvələri təlimləri keçirdilər.
Birləşmiş Ərəb Əmirlikləri ənənəvi olaraq Yaxın Şərqdə ABŞ-ın müttəfiqi olub, lakin son zamanlar ölkənin Çinlə yaxınlaşması səbəbindən münasibətləri gərginləşib.
Oktyabr ayında “The Financial Times” qəzeti BƏƏ-nin G42 şirkətinin Pekinin hava-hava raketlərinin diapazonunu genişləndirməsinə kömək edən texnologiyanı Çinin Huawei şirkətinə ötürdüyünü bildirib.
Vaşinqton Somalidəki silahlı qruplarla mübarizə aparmaq üçün BƏƏ-nin hərbi bazalarından istifadə edir və həmçinin BƏƏ ilə İsrail arasında daha da yaxınlaşmaya ümid edir.
ABŞ Təl-Əvivlə münasibətləri normallaşdırmaq müqabilində ölkəyə F-35 təyyarələri tədarük etməyi təklif etsə də, razılaşma baş tutmayıb.
ABŞ diplomatı Barbara Lif, Çinlə əlaqələrlə bağlı "bir sıra məqamları" münasibətlərin pozulmasının səbəbi kimi göstərib.
Əli Babayev