Donald Trampın sülh planının son versiyasında ABŞ-ın Ukraynaya kömək etmək üçün dondurulmuş Rusiya aktivlərindən istifadə etməsinə icazə verən əsas bənd ləğv edilib.
Əvvəllər planda təxminən 100 milyard dollarlıq dondurulmuş Rusiya vəsaitlərinin Ukraynanın yenidən qurulmasına göndərilməsi, investisiyalardan əldə edilən mənfəətin yarısının isə istifadə olunmamış vəsaitlərin xüsusi ABŞ-Rusiya fonda köçürülməsi təklif olunurdu.
SİA xəbər verir ki, Bloomberg mənbələrinə görə, danışıqlardan sonra avropalı iştirakçılar bu bəndin ləğv edilməsindən məmnun olublar.
Bu dondurulmuş aktivlərin əksəriyyəti Avropa İttifaqında yerləşir və bir çox avropalı diplomatlar əvvəllər münasibətləri çətinləşdirə biləcəyinə inanaraq, onlardan Rusiyaya qarşı istifadə ideyasını tənqid etmişdilər.
Avropa rəsmiləri planın indi sadələşdirildiyi və sürətli atəşkəs üçün ən vacib məsələlərə yönəldiyinə dair nikbinliklərini bildiriblər.
Ümumi plan qısaldılıb: əvvəlcə 28 bənddən ibarət idi; indi prosesi sürətləndirmək üçün cəmi 19 bəndə endirilib.
Ərazi məsələləri kimi digər detalların və məsələlərin ayrıca müzakirə edilməsi planlaşdırılır.
Danışıqlar yaxın günlərdə davam edəcək və Ukrayna nümayəndələrinin sözlərinə görə, bütün məsələlər həll edildikdən sonra prezidentlər bir-biri ilə əlaqə saxlaya və yekun görüş və ideyaların əlaqələndirilməsi üçün zəmin hazırlaya biləcəklər.
Əli Babayev