"Kölgə donanmasının" bir hissəsi olan Rusiya tankeri ABŞ esminesi ilə qarşılaşdıqdan sonra kursunu dəyişib və Venesuelaya üzməyi dayandırıb.
SİA xəbər verir ki, bu barədə Bloomberg məlumat yayıb. Agentliyin məlumatına görə, Rusiya neft tankeri Seahorse, ABŞ hərbi gəmisi ölkə sahillərində marşrutunu keçdikdən sonra Venesuelaya doğru gedərkən geri dönüb.
Rusiya gəmisi kursunu dəyişərək Kubaya doğru hərəkət edib və o vaxtdan bəri iki dəfə Venesuelaya yaxınlaşmağa cəhd edib, lakin hər iki dəfə geri dönüb.
O, Karib dənizində hələ də boş dayanır.
Böyük Britaniya və AB sanksiyalarına məruz qalan Seahorse tankeri Venesuelaya neft tədarük edir.
Bloomberg-in tanker izləmə məlumatlarına görə, Rusiya gəmisi ABŞ hərbi gəmisi ölkə sahillərində marşrutunu keçdikdən sonra Venesuelaya doğru gedərkən geri dönüb. Amerika esminesi USS Stockdale-ın sanksiya tətbiq edilən tankerlə hər hansı bir əlaqəsi olub-olmadığı məlum deyil. Gəminin Rusiya gəmisi ilə bağlı niyyətləri bəlli deyil və ABŞ Cənub Komandanlığının sözçüsü gəminin hərəkətləri ilə bağlı şərh verməkdən imtina edib.
USS Stockdale gəmisi Prezident Donald Trampın bölgədəki narkotik əleyhinə əməliyyatlarını dəstəkləmək üçün sentyabrın sonlarında Karib dənizinə on iki gəmi ilə birlikdə gəlib.
Əli Babayev