...Sağlam olmayan pəhriz sağlamlıq problemlərinə səbəb ola bilər.
SİA JAMA Oncology jurnalında dərc olunmuş hesabata istinadən xəbər verir ki, ABŞ alimləri bu nəticəyə gəliblər. Mütəxəssislərin fikrincə, müəyyən qidaların çox miqdarda istehlakı erkən kolorektal xərçəngin sələfləri hesab edilən adenomaların - poliplərin inkişaf riskini əhəmiyyətli dərəcədə artıra bilər.
Tədqiqatçılar 50 yaşına qədər müntəzəm endoskopik müayinələrdən keçən və hər dörd ildən bir pəhriz anketlərini dolduran Tibb bacılarının Sağlamlıq Tədqiqatı II-nin təxminən 30.000 iştirakçısının məlumatlarını təhlil ediblər. Məlum olub ki, gündə orta hesabla 10 porsiya ultra emal olunmuş qida istehlak edən qadınlarda adenomaların inkişaf riski özlərini üç porsiya ilə məhdudlaşdıran qadınlara nisbətən 45 faiz daha yüksəkdir.
Bu sağlam olmayan qidalara hazır yeməklər, şirniyyatlar, qəlyanaltılar, emal olunmuş qidalar və yüksək miqdarda şəkər, duz, doymuş yağ və qida əlavələri olan içkilər daxildir. Əvvəllər kolorektal xərçəngin inkişafının beş simptomu müəyyən edilmişdi.
Nazlı Almuradova