"Real”ın əfsanəvi qapıçısı İker Kasilyasdan viktorina formatında özündən daha güclü hesab etdiyi qapıçını adlandırması xahiş olunub. SİA xəbər verir ki, söhbət zamanı aparıcı müxtəlif namizədləri sadalayıb və Kasilyasdan uyğun gördüyü anda dayanmasını istəyib.
Kasilyasın fikrincə, o, Emiliano Martines, David de Xea, Mark-Andre ter Ştegen, Joan Qarsiya, David Raya, Edvin van der Sar, Yan Oblak, Keylor Navas, Tibo Kurtua, Oliver Kan və Manuel Noyer kimi qapıçılardan güclüdür. Yalnız Canluici Buffonun adı çəkiləndə Kasilyas dayanıb və razılaşdığını bildirib.