...Rusiya ordusuna aldadılan hindlilərin valideynləri, qardaşları və bacıları Dehlidə etiraz aksiyası keçiriblər.
SİA-nın əldə etdiyi məlumata görə, bu barədə “Dojd” xəbər verir.
Onların çoxu guya Rusiyaya təhsil almağa gedirdilər, lakin rus dilində müqavilələr imzalamağa məcbur ediliblər. Öldürülən və evə qayıdan sonuncu şəxs 28 yaşlı Sonu idi; onun dəfn mərasimi oktyabrın 29-da baş tutub.
Jurnalistlərin məlumatına görə, etiraz aksiyasında təxminən 50 qohum iştirak edib və Hindistan hökumətindən cavab tələb edib.
...Oğullarının və qardaşlarının geri qaytarılmasını istəyiblər. Onlar əllərində hərbi geyimdə olan 20 hindlinin şəkli olan banner tutublar.
Bannerdəkilər hamısı Rusiya ordusunda olub. Bəziləri itkin düşüb, ikisi ölüb, lakin qohumları cəsədlərini götürə bilməyiblər.
Mediada yayılan məlumatlara görə, mərhumların ailələri Rusiya hakimiyyətindən heç bir kompensasiya almırlar.
Əli Babayev