İspaniya La Liqasının 11-ci turunda "Barselona" "Elçe"ni darmadağın edib. SİA xəbər verir ki, "Estadio Olimpico Lluís Companys" stadionunda keçirilən qarşılaşma 3:1 hesabı ilə blauqranalıların xeyrinə başa çatıb. Gənc cinah oyunçusu Lamin Yamal cəmi 9-cu dəqiqədə hesabı açıb, iki dəqiqə sonra isə Forran Torres meydan sahiblərinin üstünlüyünü artırıb. Fasiləyə qədər 42-ci dəqiqədə qonaqların hücumçusu Rafael Mir hesab arasında fərqi azalda bilib. Lakin ikinci hissədə Markus Raşford iki qol fərqini bərpa edərək yekun nəticəni möhürləyib. Bu qələbə "Barselona"ya 11 matçdan sonra 25 xalla turnir cədvəlində ikinci pilləyə yüksəlməyə imkan verib.
Kataloniyalılar indi "Real Madrid"i 5 xal qabaqlayır. 14 xalı olan "Elçe" liqada 9-cu pillədə qərarlaşıb.