Milli Məclis 8 Noyabr – Zəfər Gününün beşinci ildönümü ilə əlaqədar Prezident İlham Əliyev və Birinci vitse-prezident Mehriban Əliyevaya təbrik məktubu ünvanlanmasını təklif edib. SİA xəbər verir ki, bununla bağlı Milli Məclisin sədri Sahibə Qafarova parlamentin bu gün keçirilən plenar iclasında təkliflə çıxış edib.
"Təklif edirəm ki, Zəfər Günü ilə bağlı Prezident İlham Əliyev və Birinci vitse-prezident Mehriban Əliyevaya təbrik məktubu ünvanlayaq və onlara gələcək fəaliyyətlərində uğurlar arzulayaq", - deyə, sədr bildirib.
Deputatlar spikerin təklifini alqışlarla qarşılayıblar.