...Xalın formasının, rənginin və ya ölçüsünün dəyişməsi dərhal həkimə müraciət etmək üçün bir səbəbdir.
SİA-nın məlumatına görə, bu barədə onkoloq danışıb. Mütəxəssisin sözlərinə görə, xəbərdarlıq əlamətlərinə böyümə, qaşınma, qabıqlanma və ya qanaxma daxildir.
O, qaldırılmış xallara xüsusi diqqət yetirməyi tövsiyə edir, çünki onlar əksər hallarda travmaya məruz qalır və bədxassəli şişlərə çevrilə bilər.
Həkim qeyd edib ki, bütün dəri böyümələri şərti olaraq üç qrupa bölünür: bədxassəli, xərçəngönü və xoşxassəli.
İkinci kateqoriya halında həkimlər şişlərin xərçəngə çevrilməsinin qarşısını almaq üçün onları erkən çıxarmağa üstünlük verirlər.
Prosedur ambulator şəraitdə aparılır və xəstə dərhal evə qayıdır.
Ölçü ayrı bir meyardır. Əvvəllər bir santimetrdən böyük xallar çıxarılırdısa, indi bu hədd beş millimetrə endirilib.
Onkoloq vurğuladıyıb ki, “...kiçik bir xalın çıxarılması bədxassəli şişi sonradan müalicə etməkdən daha asan və təhlükəsizdir”.
Çıxarılma üsulu fərdi olaraq seçilir: cərrahi eksiziya, lazer və ya aparat texnologiyaları.
Həkim əlavə etdib ki, zərurət yarandıqda, şiş dəridə nəzərəçarpacaq izlər qoymadan mümkün qədər diqqətlə çıxarıla bilər.
...Əsas məsələ vaxtında həkimə müraciət etməkdir. Bu gün yarım saat ərzində çıxarıla bilən şey sabah həyat bahasına başa gələ bilər...
Həkim ildə ən azı bir dəfə onkoloq tərəfindən profilaktik müayinənin zəruri olduğunu da xatırladıb.
Nazlı Almuradova