Azərbaycanı avrokuboklarda təmsil edən kişi voleybolçulardan ibarət “Azərreyl” klubu Çempionlar Liqasının təsnifat mərhələsində ilk oyununu keçirib.
SİA xəbər verir ki, son ölkə çempionu təsnifat mərhələsinin I turunda Serbiyanın “Radniçki” komandası ilə üz-üzə gəlib.
Bakıda Fövqəladə Hallar Nazirliyinin idman zalında təşkil olunan matç rəqibin 3:0 hesablı qələbəsi ilə bitib.
Komandalar arasında cavab qarşılaşması oktyabrın 29-da gerçəkləşəcək.